គន្លឹះចម្បង ៤ យ៉ាងក្នុងការថែរក្សាស្បែកអោយភ្លឺថ្លាពីធម្មជាតិ
មនុស្សគ្រប់រូបតែងតែប្រាថ្នាអោយមានស្បែកសភ្លឺថ្លាចែងចាំង ។ អ្នកអាចជ្រើសរើសផលិតផលថែរក្សាសម្រស់ជាច្រើនដែលមានលក់នៅលើទីផ្សារបច្ចុប្បន្ន ប៉ុន្តែប្រសិនបើអ្នកចង់បានសម្រស់ស្រស់ស្អាត ស្របពេលដែលអ្នកមិនមានពេលវេលាគ្រប់គ្រាន់សម្រាប់ធ្វើការវះកាត់ ឬ ទទួលការព្យាបាលនោះទេ ការយល់ដឹងអំពីគន្លឹះសំខាន់ៗនិងវិធីសាស្ត្រមួយចំនួនក្នុងការថែទាំស្បែកមុខតាមបែបធម្មជាតិពិតជាសំខាន់សម្រាប់អ្នក។ សូមអានគន្លឹះមួយចំនួនខាងក្រោមនេះ ដើម្បីស្វែងយល់បន្ថែមអំពី បទពិសោធន៍ដែលធ្លាប់ឆ្លងកាត់ និងការសាកល្បងពិតៗ ហើយគន្លឹះទាំងនោះសាកសមសម្រាប់ស្បែកគ្រប់ប្រភេទ ៖
គន្លឹះទី១៖ ត្រូវលាងសម្អាតគឿងសំអាងចេញពីផ្ទៃមុខរបស់អ្នកគ្រប់ពេល
ដំណើរការក្នុងការលាងសម្អាតគ្រឿងសំអាងចេញពីផ្ទៃមុខ គឺសំខាន់ដូចគ្នាទៅនឹងការផាត់មុខដែរ ហើយអ្នកមិនអាចសម្អាតផ្ទៃមុខដោយគ្រាន់តែធ្វើការជូតសម្អាតមុខចេញនោះទេ។ ការសម្អាតផ្ទៃមុខដ៏ត្រឹមត្រូវនៅពេលយប់ គឺជាការថែទាំប្រសើរបំផុតសម្រាប់ ស្បែកមុខរបស់អ្នក។ ការចូលគេងដោយមិនលាងសម្អាតផ្ទៃមុខអោយបានស្អាត ក៏អាចបំផ្លាញប្រូតេអ៊ីនកូឡាជេនរបស់ស្បែក ដែលអាចបណ្តាលអោយស្បែកមុខស្ងួត ឡើងមុន និងមានស្នាមជ្រាវជ្រួញ។ ការអនុវត្តន៍ការលាងសម្អាតគ្រឿងសំអាងចេញពីផ្ទៃមុខអោយបានខ្ជាប់ខ្ជួនជាប្រចាំក្នុងរយៈពេលយូរ អាចជួយឱ្យសុខភាពស្បែករបស់អ្នក ចៀសឆ្ងាយពីបញ្ហាស្បែកមុខផ្សេងៗ ។
គន្លឹះទី២៖ ការទទួលទានអាហារសុខភាពឱ្យបានគ្រប់គ្រាន់
គន្លឹះក្នុងការថែទាំស្បែកមុខដ៏អស្ចារ្យមួយនេះ អាចជួយផ្លាស់ប្តូររបៀបថែទាំស្បែករបស់អ្នកអោយបានប្រសើរឡើង។ ការប្រើប្រាស់ក្រែម និងសេរ៉ូមតែមួយមុខក្នុងការថែទាំស្បែក ដោយមិនបានទទួលទានរបបអាហារសុខភាព គឺត្រូវការពេលវេលាយូរដើម្បីទទួលបានប្រសិទ្ធិភាព។ របបអាហារជំនួយសុខភាពស្បែក និងសក់ គឺមានដូចជា ផ្លែឈើ បន្លែ អាហារប្រភេទគ្រាប់ គ្រាប់ធញ្ញជាតិ និងត្រសក់ ។ ដើម្បីបង្កើនបរិមាណនៃ បន្លែស្រុះ ឬ ឆៅ និង បន្លែ ផ្លែឈើក្នុងរបបអាហារ អ្នកអាចជ្រើសរើសជារបបអាហារដូចជា សាឡាដ ទឹកក្រឡុក និងទឹកផ្លែឈើ ។
គន្លឹះទី៣: ទទួលទានភេសជ្ជៈ ដែលត្រឹមត្រូវ
ទោះបីជាវិធីសាស្ត្រនេះមានភាពប្លែក ក៏ប៉ុន្តែ គន្លឹះចំបងនេះ គឺពិតជាមានអត្ថប្រយោជន៍ខ្លាំងណាស់សម្រាប់ថែទាំផ្ទៃមុខ ។ យោងតាមអ្នកជំនាញផ្នែកសើស្បែកបានអោយដឹងថា ការជ្រើសរើសភេសជ្ជៈអោយបានត្រឹមត្រូវសម្រាប់ទទួលទាន វាពិតអាច ផ្លាស់ប្តូរស្បែករបស់អ្នក ។ ដូច្នេះ សូមអ្នកយកចិត្តទុកដាក់ចំពោះស្បែករបស់អ្នក ដោយកាត់បន្ថយការទទួលទានជាតិស្ករ និង គ្រឿងស្រវឹង ។ ការធ្វើបែបនេះ អាចអោយស្បែកអ្នក មើលទៅភ្លឺពេញលេញ និងក្មេងជាងវ័យ ។ ភេសជ្ជៈដែលជាជម្រើសល្អសម្រាប់សុខភាពអ្នកនោះ គឺ ទឹក ទឹកផ្លែឈើពណ៌បៃតង ដូចជា ទឹកខាត់ណា តែបៃតង ឬ ទឹកសណ្តែក។
គន្លឹះទី៤: កាត់បន្ថយការយកដៃប៉ះផ្ទៃមុខអោយបានច្រើនតាមដែលអាចធ្វើបាន
ទម្លាប់អាក្រក់បំផុតសម្រាប់សម្រស់អ្នក គឺការយកដៃប៉ះផ្ទៃមុខរបស់អ្នក ។ នៅក្នុងមួយថ្ងៃៗ ដៃអ្នកបានប៉ះជាមួយនឹងវត្ថុជាច្រើន ដែលជាហេតុបណ្តាលអោយកង្វក់ ជាប់ដី សំរាម និងមេរោគជាច្រើន ហើយអ្នកប្រាកដជាមិនចង់អោយរបស់ទាំងអស់នេះប៉ះស្បែករបស់អ្នកនោះឡើយ។ រៀងរាល់ពេលដែលអ្នកយកដៃប៉ះមុខ អ្នកបានបន្សល់ទុកនូវភាពកង្វក់ ខ្លាញ់ និងបាក់តេរីជាច្រើនដែលតោងជាប់នៅនឹងចុងម្រាមដៃរបស់អ្នក ហើយវាអាចបង្ករទៅជាការបញ្ហារលាកស្បែក ឬ ការឆ្លងមេរោគ។
ព័ត៌មានថ្មីៗ
ការបារម្ភអំពីសុខភាពរបស់អ្នកគឺជាកាតព្វកិច្ចរបស់យើង៖ ការបរិភោគអោយមានសុខភាពល្អ
ស្វែងយល់បន្ថែម >
មន្ទីរពេទ្យអន្តរជាតិអរៀនដា គឺជាមន្ទីរពេទ្យធំមួយ ក្នុងចំណោមមន្ទីរពេទ្យនានា នៅប្រទេសកម្ពុជា
ស្វែងយល់បន្ថែម >
មន្ទីរពេទ្យអន្តរជាតិ អរៀនដា ប្តេជ្ញាចិត្តក្នុងការផ្តល់ជូនអ្នកជំងឺរបស់យើងនូវបច្ចេកវិទ្យាទំនើបបំផុត
ស្វែងយល់បន្ថែម >ការបារម្ភអំពីសុខភាពរបស់អ្នកគឺជាកាតព្វកិច្ចរបស់យើង៖ ការបរិភោគអោយមានសុខភាពល្អ
ស្វែងយល់បន្ថែម >មន្ទីរពេទ្យអន្តរជាតិអរៀនដា គឺជាមន្ទីរពេទ្យធំមួយ ក្នុងចំណោមមន្ទីរពេទ្យនានា នៅប្រទេសកម្ពុជា
ស្វែងយល់បន្ថែម >មន្ទីរពេទ្យអន្តរជាតិ អរៀនដា ប្តេជ្ញាចិត្តក្នុងការផ្តល់ជូនអ្នកជំងឺរបស់យើងនូវបច្ចេកវិទ្យាទំនើបបំផុត
ស្វែងយល់បន្ថែម >
